Fýtzaldan el birinshiliginde «Semeı» alǵash ret jeńildi

ASTANA. KAZINFORM – Búgin fýtzaldan Qazaqstan birinshiliginde VIIІ týr oıyndary ótti.

Qazirge deıin jeti oıynda birde-bir upaı joǵaltpaǵan «Semeı» komandasy bul týrda kútpegen jerden óz alańynda «Atyraýǵa» 2:3 esebimen ese jiberdi. Atalǵan qarsylasyn olar 10 qazanda 4:3 esebimen jeńgen edi.

Bul jeńilisten keıin de semeılik klýb 21 upaımen kósh basyndaǵy ornyn saqtap qaldy.

Al buǵan deıin sátsiz oınaǵan almatylyq «Qaırat» ekinshi kezdesýde qatarynan jeńiske jetti. Eki matchta da olar «Aqtóbeni» 8:1 esebimen súrindirdi.

Almatylyq klýb qatarynan eki jeńisten keıin 16 upaımen úshinshi orynǵa kóterildi.

Qalǵan oıyndardyń nátıjesi

«Qaraǵandy» – «Báıterek» (Oral) 5:3

«Shymkent» – «Jetisý» (Taldyqorǵan) 4:6

«Astana» – «Tulpar» (Qaraǵandy) 4:2

«Kaspıı» (Aqtaý) – «Aıat» (Rýdnyı) 4:0.

Endi aldaǵy týr oıyndary 25 jáne 26 qazan kúnderi ótkiziledi.

Osyǵan deıin fýtzaldan el birinshiliginde «Qaırat» komandasy «Aqtóbeni» 8:1 esebimen jeńgeni týraly jazdyq.