Fýtzaldan álem chempıonatynda búgin pleı-off satysyndaǵy oıyndar bastalady
ASTANA. KAZINFORM - Búgin, 24 qyrkúıekte fýtzaldan álem chempıonaty pleı-off satysyndaǵy oıyndar bastalady.
Jarystyń atalǵan satysynyń alǵashqy oıyn kúninde Brazılııa men Kosta-Rıka, Nıderland pen Ýkraına quramalary sheberlik baıqasady.
Al 25 qyrkúıekte Ispanııa men Venesýela, Paragvaı men Aýǵanstan, 26 qyrkúıekte Portýgalııa men Qazaqstan, Iran men Marokko kezdesedi.
Sondaı-aq 27 qyrkúıekte pleı-off satysynda Taıland pen Frantsııa, Argentına men Horvatııa kezdesedi.
El quramasy D tobynda Ispanııamen 1:1 esebimen teń oınasa, odan keıin Lıvııany 4:1, Jańa Zelandııany 10:0 esebimen tize búktirdi. Nátıjesinde óz tobynda Ispanııany alǵa jiberip, ekinshi oryn aldy.
Qazaqstan men Portýgalııa quramalary buǵan deıin eki márte kezdesip, barlyǵynda portýgaldyqtar jeńiske jetti.
Aldymen 2000 jyly álem chempıonaty birinshi kezeńinde atalǵan qarsylasqa 2:6 esebimen ese jiberdi. Al 2021 jyly jartylaı fınalda el quramasy olarmen negizgi jáne qosymsha kezeńde 2:2 esebimen teń túsip, penaltıden 4:5 esebimen jeńilip qalǵan edi.
