Fýtzal: ECh qazaqstandyq sportshy úzdikter qatarynan kórindi

ASTANA. QazAqparat - Lıýblıanda (Slovenııa) fýtzaldan Eýropa chempıonaty aıaqtaldy, onda Qazaqstan quramasy tórtinshi oryn aldy, dep habarlaıdy Sports.kz.

Jekeleı jetistikterge toqtalar bolsaq, Qazaqstan quramasynyń oıynshysy Dýglas týrnırdiń úzdik assıstenti atanyp, «gol + pas» júıesi boıynsha ekinshi orynda tur - ol 4 ret gol soǵyp, 7 ret dop berip, úzdik nátıjege qol jetkizgen. 

Sondaı-aq, týrnırdiń úzdik oıynshysy - portýgaldyq Rıkardıno 11 upaı (7+4) jınaǵan, biraq ol gol sany esebinen joǵary oryn alǵan.

Eń nátıjeli oıynshylardyń úshtigin taǵy bir portýgaldyq Brýný Koelıý tuıyqtap tur - 6+3.

Eske sala keteıik, jartylaı fınalda ıspanııalyqtar qazaqstandyqtarmen 5:5 esebimen teń oınap, tek penaltı nátıjesinde (3:1) ǵana jeńgen bolatyn. Al portýgalııalyqtar reseılikterdi 3:2 esebimen tize búktirgen edi. Al qola júlde úshin básekede Reseı Qazaqstan quramasyn 1:0 esebimen utty.