Fýtboldan premer-lıga: 16-týr oıyndarynyń kestesi jarııalandy

ASTANA. QazAqparat - Búgin fýtboldan premer-lıga komandalary arasyndaǵy el birinshiliginiń 16-týry bastalady, dep habarlaıdy QazAqparat tilshisi.

Atalǵan týr 22 jáne 23 shilde kúnderi ótedi. Búgin tórt oıyn bolsa, 23 shildede úsh kezdesý belgilengen.

Búgin, 22 shilde, saǵat 18:00-de «Jetisý» (Taldyqorǵan) men «Aqsý» (Pavlodar oblysy) atalǵan týrdyń alǵashqy oıynyn ótkizedi.

Al 19:00-de «Astana» men «Atyraý», 20:00-de «Aqtóbe» men «Qaısar» (Qyzylorda), 21:00-de «Ordabasy» (Shymkent) men «Qyzyljar» (Petropavl) kezdesedi.

23 shildede 18:00-de «Shahter» (Qaraǵandy) men «Kaspıı» (Aqtaý), 19:00-de «Qaırat» (Almaty) pen «Maqtaral» (Túrkistan) oınaıdy.

Bul týrdy 21:00-de «Tobyl» (Qostanaı) men «Oqjetpes» (Kókshetaý) komandalary túıindeıdi.

Eske salsaq, fýtboldan birinshi lıgada «Elimaı» «Turannan» tórt upaıǵa uzap ketti.