Fýtboldan Qazaqstan quramasynyń kelesi bas bapkeri kim bolady

ASTANA. KAZINFORM — Qazaqstan fýtbol federatsııasynyń prezıdenti Marat Omarov Alı Alıevtiń mansabyn bosatýyna qatysty túsinik berdi. 

— Sporttyq bólimmen kelesi bapker kim bolatynyn komanda oralǵan soń sheshemiz. Ekspat pa, álde jergilikti maman ba, oǵan qaramaımyz. Mindetti túrde bapkerdiń kásibı quzyrettiligine qaraımyz, — dep qysqa qaıyrdy Marat Omarov BAQ ókilderiniń saýalyna jaýap bere turyp.

Sondaı-aq tilshiler qaýymy fýtbol federatsııasynyń prezıdentinen Alı Alıevtiń qyzmetine baǵa berýin surady.

— Ózine júktelgen mindetti oryndady. Quramanyń ortasha jasy 25–26-da. Degenmen, nátıje kóńil kónshitpeıdi. Sondyqtan komanda kelgen soń kadrlyq sheshim qabyldaımyz. Sebebi kelisimsharttyq másele, belgili bir shart jáne zań turǵydan retteıtin jaıt bar, — deıdi ol.

Buǵan deıin habarlaǵanymyzdaı, Alı Alıev fýtboldan Qazaqstan quramasy bas bapkeri qyzmetinen ketetinin málimdedi.