Fýtboldan Qazaqstan quramasy joldastyq kezdesýde Túrkimenstandy jeńdi

ASTANA. KAZINFORM - Fýtboldan Qazaqstan ulttyq quramasy búgin, 14 naýryzda Túrkimenstanmen joldastyq kezdesý ótkizdi.

Búgingi Túrikmenstan quramasymen jabyq joldastyq oıyn ótti. Ol telearnalar arqyly kórsetilgen joq.

Kezdesý barysynda qazaqstandyq fýtbolshylar qarsylas qurama qaqpasyna jaýapsyz eki gol soqty. El quramasynan Islam Chesnokov 2, Aleksandr Zýev 47-mınýtta mergendik tanytty.
Osylaısha olar qarsylasynan 2:0 esebimen basym tústi.

Eki qurama buǵan deıin úsh márte kezdesti. Bireýinde qazaqstandyq fýtbolshylar jeńiske jetse, ekeýinde teń nátıje tirkeldi.

Bul oıyn ulttyq quramanyń Birikken Arab Ámirliginde oqý-jattyǵý jıyny aıasynda uıymdastyrylyp otyr. BAÁ-niń Dýbaı qalasynda ótip jatqan oqý-jattyǵý jıynyna oıynshylardyń basym bóligi jınaldy.

Aıta ketsek, Birikken Arab Ámirlikterinde ótetin oqý-jattyǵý jıyny 19 naýryzǵa deıin sozylady. Qazaqstan quramasy Ulttar lıgasynda S jolymen 2024 jyldyń 21 naýryzynda jartylaı fınalda syrt alańda Grekııamen kezdesedi. 

Jeńgen jaǵdaıda 26 naýryzda taǵy da syrt alańda Grýzııa-Lıýksembýrg jubynyń jeńimpazymen sheberlik baıqasady.