Fýtboldan Qazaqstan quramasy Farer araldaryna ese jiberdi

ASTANA. KAZINFORM — Búgin fýtboldan Qazaqstan ulttyq quramasy Farer araldarymen joldastyq kezdesý ótkizdi.

Talǵat Baısýfınov bul kezdesýge Qazaqstan quramasy sapynda «Qaırat» komandasynyń fýtbolshylaryn shaqyrǵan joq. Olar almatylyq klýbtyń Chempıondar lıgasy besinshi týryndaǵy Danııanyń «Kopengagenimen» kezdesýge daıyndyǵyn júrgizedi. Sondyqtan el quramasy sapynda alǵashqy mınýttan segiz jańa fýtbolshy shyqty. 

Qaqpada Bekhan Shaızada tursa, qorǵanysta Naýryzbek Jagorov, Nurálı Álip, Sergeı Malyı, Baǵdat Qaıyrov boldy. Al jartylaı qorǵanys pen Georgıı Jýkov, Damır Qasabolat, Dinmuhamed Qaraman, Elhan Astanov, Ramazan Kárimov, Dáýren Jumatqa senip tapsyryldy.
Eki qurama alǵashqy mınýttan birden shabýylǵa kóshti. Dese de farerlik fýtbolshylardyń belsendiligi baıqalyp turdy. Nátıjesinde olardyń qatarynan Petýr Knýdsen 25-mınýtta gol soǵyp ketti.

Budan keıin Qazaqstan quramasy tarazy basyn teńeestirýge umtyldy. Degenmen dittegen maqsatyna jete alǵan joq.

Osylaısha otandastarymyz qarsylasyna 0:1 eesbimen ese jiberdi.

Otandastarymyz 2026 jylǵy álem chempıonaty irikteý kezeńinde J tobynda 8 upaımen 4 orynǵa turaqtady. Olar Ýelsten eki márte (1:3, 0:1), Soltústik Makedonııadan (0:1),

Belgııadan (0:6) esebimen jeńilip, Soltústik Makedonııa jáne Belgııamen (1:1) teń tússe, 

Lıhtenshteındi (4:0, 2:0) eki márte tize búktirdi.