Fýtboldan Qazaqstan qyzdar quramasy Grýzııany iri eseppen jeńdi

ASTANA. KAZINFORM - Fýtboldan 2025 jylǵy Eýropa chempıonaty irikteý satysynda 19 jasqa deıingi Qazaqstan qyzdar quramasy Grýzııany iri eseppen jeńdi.

Oıyn barysynda grýzııalyq quramadan Natalıa Kvırkvaııa 4-mınýtta esep ashty. Odan keıin qazaqstandyq fýtbolshylar belsendi qımylymen kózge túsip, qarsylas qaqpasyn bes márte dál kózdedi. El quramasynan 37-mınýtta Valerııa Popva tarazy basyn teńestirse, ol 53-mınýtta taǵy bir márte mergendik tanytty.

Odan keıin Aıajan Qojabekova 64, Qazyna Norbaeva 72, Adııa Asqarova 88-mınýtta gol soqty.

Osylaısha el quramasy qarsylasynan 5:1 esebimen basym tústi. 

Aıta ketsek, buǵan deıin qazaqstandyq fýtbolshylar Estonııaǵa 1:2 esebimen jeńilip, Soltústik Irlandııamen 0:0 esebimen teń túsken edi.