Fýtboldan Eýro-2024: bas júldeden úmitker quramalar anyqtaldy

ASTANA. KAZINFORM - Halyqaralyq sporttyq zertteý ortalyǵy fýtboldan 2024 jylǵy Eýropa chempıonatynyń bas júldesinen úmitker tórt quramany jarııalady. 

Tańdaýlylardy anyqtaý úshin quramalarǵa negizdelgen birqatar kúrdeli formýla, ındeks pen esepteý qoldanyldy.

Qurlyqtyq dodanyń favorıti retinde Frantsııa, Anglııa, Germanııa jáne Ispanııa atalyp otyr.

Aıta ketsek, Eýropa chempıonaty 14 maýsym-14 shilde aralyǵynda Germanııanyń 10 qalasyndaǵy stadıondarda ótkiziledi. Oǵan barlyǵy 24 qurama qatysady. Quramalar alty topqa bólingen. Árbir toptan birinshi jáne ekinshi oryn alǵan quramalar pleı-off satysyna shyǵady.

Sondaı-aq úshinshi oryn alǵan quramalar arasynda úzdik kórsetkishke ıe bolǵandary jarysty jalǵastyrady.

Qurlyqtyq doda oıyndary tolyǵymen «Qazaqstan» jáne «Qazsport» telearnalarynan kórsetiledi.

Eýropanyń úzdik quramalarynyń 51 kezdesýi bir aı boıy eki arnadan kórsetiledi.
Quramalardyń topqa bólinýi mynadaı:

A toby: Germanııa, Shotlandııa, Vengrııa, Shveıtsarııa.
B toby: Ispanııa, Horvatııa, Italııa, Albanııa.
S toby: Slovenııa, Danııa, Serbııa, Anglııa.
D toby: Polsha, Nıderland, Avstrııa, Frantsııa.
E toby: Belgııa, Slovakııa, Rýmynııa, Ýkraına
F toby: Portýgalııa, Grýzııa, Túrkııa, Chehııa.

Fınaldyq kezeń 14 maýsymda Germanııa men Shotlandııa kezdesýimen ashylady. 14-26 maýsym aralyǵynda ótetin toptyq kezeń oıyndary 18:00, 21:00, 00:00–de bastalady.