Fýtzaldan el birinshiliginde «Qaırat» «Aqtóbeniń» osal tusyn taba ala ma

ASTANA. KAZINFORM - Búgin fýtzaldan Qazaqstan birinshiliginde jetinshi týr oıyndary ótedi.

Bul kúni kósh basynda kele jatqan Abaı oblysynyń «Semeıi» óz alańynda «Atyraýdy» qabyldaıdy. Semeılik komanda ázirge birde-bir upaıdy joǵaltqan joq. Alty oıynnyń barlyǵynda jeńiske jetti. Atyraýlyq klýb alty týrda 8 upaı jınap, jetinshi orynda keledi.

Al bıylǵy birinshilikti sátsiz bastap 10 upaımen besinshi orynǵa taban tiregen almatylyq «Qaırat» óz alańynda «Aqtóbemen» sheberlik baıqasady. Aqtóbelik klýb alty týrdyń barlyǵynda jeńip, kósh tizginin qolǵa alǵan edi. Sondyqtan búgingi kezdesý almatylyqtar úshin ońaıǵa soqpaıtyny anyq.

Oıyn kúntizbesi

16:00. «Shymkent» - «Jetisý» (Taldyqorǵan)

17:00. «Semeı» - «Atyraý»

17:00. «Astana» - «Tulpar» (Qaraǵandy)

18:00. «Kaspıı» (Aqtaý) - «Aıat» (Rýdnyı)

19:00. «Qaraǵandy» - «Báıterek» (Oral)

19:00. «Qaırat» (Almaty) - «Aqtóbe».

Aıta ketsek, fýtzaldan el birinshiliginde bıyl 12 komanda baq synap jatyr.

Aıta keteık, búgin fýtboldan Qazaqstan quramasy fýtboldan 2026 jylǵy álem chempıonaty irikteý kezeńinde elordada Lıhtenshteındi qabyldaıdy