Fýtboldan birinshi lıgada «Oqjetpes» kósh basyna shyqty

ASTANA. KAZINFORM - Fýtboldan Birinshi lıga komandalary arasyndaǵy Qazaqstan birinshiliginiń XV týrynyń alǵashqy oıyn kúni ótti.

Bul kúni Kókshetaýdyń «Oqjetpesi» óz alańynda Almatynyń «Qaırat-2» komandasyn qabyldady.

Kezdesý barysynda kókshetaýlyq klýb qarsylasynan 3:0 esebimen basym tústi. Osylaısha qatarynan altynshy márte jeńiske jetken «Oqjetpes» týrnır kestesinde 30 upaımen birinshi orynǵa kóterildi. 

Sondaı-aq búgin elordalyq «SD Family» Túrkistan oblysynyń «Arysyn» 6:1 esebimen tize búktirse, «Túrkistan» men «Ulytaý» 1:1 esebimen teń tústi.

Endi 12 qyrkúıekte «Aqtóbe-2» men «Aqjaıyq» (Oral), «Altaı» (Óskemen) men «Qaısar-2» (Qyzylorda), «Kaspıı» (Aqtaý) men «Ekibastuz» (Pavlodar oblysy), «Taraz» ben «Jetisaı» (Túrkistan oblysy) kezdesedi.

Aıta ketsek, týrnır kestesinde 30 upaımen «Oqjetpes» kósh bastap tursa, odan keıingi oryndardaǵy almatylyq «Han táńiri» -28, «Jetisaı» - 26 upaı enshilep tur.

Eske salsaq, budan buryn Chempıondar lıgasynda «Ordabasy» moldovalyq «Petrokýb» komandasymen teń tústi.