Fýtboldan Birinshi lıgada «Kaspıı» onynshy márte jeńiske jetti

ASTANA. KAZINFORM - Búgin fýtboldan Birinshi lıga komandalary arasyndaǵy Qazaqstan birinshiliginiń 11-týrynyń alǵashqy oıyn kúni ótti.

Kósh basynda kele jatqan aqtaýlyq «Kaspıı» jeńisti jolyn jalǵastyrdy. Bul joly olar syrt alańda «Aqtóbe-2» komandasyn súrindirdi. 

Oıyn barysynda olardyń qatarynan Mıras Turlybek 7, 48, Almas Armenov 82-mınýtta mergendik tanytty. 

Osylaısha aqtaýlyq klýb qarsylasynan 3:0 esebimen basym túsip. bıylǵy birinshiliktegi onynshy jeńisine qol jetkizdi. Týrnır kestesinde 30 upaımen birinshi orynǵa jaıǵasyp, qarsylastarynan birshama uzap ketti.

Sondaı-aq búgin almatylyq «Qaırat-2» «Tarazdy» 3:1 esebimen jeńse, almatylyq AKAS óz alańynda Túrkistan oblysynyń «Jetisaıyna» 0:1 esebimen ese jiberdi. 

Al «Ekibastuz» (Pavlodar oblysy) ben «Túrkistan» 1:1 esebine qanaǵat bildirdi.

Endi 27 maýsymda «Shahter» (Qaraǵandy) men «Akademııa Ońtústik» (Shymkent), «Han táńiri» (Almaty) men «Altaı» (Óskemen), «Ertis» (Pavlodar) pen «SD Family» (Astana) sheberlik baıqasady.