Fýtboldan Birinshi lıgada «Ertis» «Shahterden» basym tústi

ASTANA. KAZINFORM — Búgin fýtboldan Birinshi lıganyń XVІ týry máresine jetti.

Atalǵan týrdaǵy basty kezdesý «Ertis» pen «Shahter» arasynda ótti. Eki komanda da bıyl alǵashqy oryndardy ózara bólisip keledi. Sondyqtan ekeýi de jeńiske jetýge bar kúshin salatyny anyq edi.

Kezdesý barysynda pavlodarlyq komanda oıyn tizginin qolda ustaýǵa tyrysty. Nátıjesinde olardyń qatarynan Erkebulan Tuńǵyshbaev 7-mınýtta esep ashsa, Tamerlan Agımanov 42-mınýtta esepti ústemeleı tústi.

Ekinshi kezeńde «Shahter» sapynan Dıas Qalybaev 75-mınýtta mergendik tanytsa, Erkebulan Tuńǵyshbaev 89-mınýtta qorytyndy esepti belgiledi.

Osylaısha «Ertis» qarsylasynan 3:1 esebimen basym túsip, 36 upaımen ekinshi orynǵa kóterildi.

Al «Shahter» 32 upaımen tórtinshi oryndy mise tutyp tur.

Sondaı-aq 1 tamyzda «Túrkistan» men «Akademııa Ońtústik» (Shymkent) 1:1 esebine qanaǵat bildirdi.

Al «Kaspıı» (Aqtaý) komandasy «Tarazdy» 2:1 esebimen jeńse, astanalyq «SD Family» óz alańynda Túrkistan oblysynyń «Jetisaıyna» 2:7 esebimen jol berdi.

31 shildede Óskemenniń «Altaıy» syrt alańda «Aqtóbe-2» komandasyn 6:0 esebimen tize búktirse, Pavlodar oblysynyń «Ekibastuzy» óz alańynda Almatynyń «Qaırat-2» komandasyna 2:3, almatylyq «Han táńiri» klýby sol qalanyń taǵy bir ókili AKAS komandasynana 0:2 esebimen jeńildi.

Endi aldaǵy týr oıyndary 7 jáne 8 tamyz kúnderi ótkiziledi.