Fýtboldan birinshi lıgada «Ertis» komandasy kósh bastady

ASTANA. KAZINFORM — Fýtboldan birinshi lıga komandalary arasyndaǵy Qazaqstan chempıonatynyń 1-týry máresine jetti. 

Alǵashqy týrdyń ekinshi oıyn kúni, 10 sáýirde óskemendik «Altaı» syrt alańda Shymkenttiń «Ońtústik akademııa» klýbymen kezdesti. Bul matchta óskemendik klýb qarsylas komandany 2:0 esebimen jeńip, birinshilikti sátti bastady.

Byltyr birinshi lıgada jankúıer tarapynan joǵary baǵalanǵan Túrkistan oblysynyń «Jetisaı» klýby bıyl birinshi oıynynda jınaqy qımyl kórsetti. Olar syrt alańda «Taraz» komandasyn 2:1 esebimen tize búktirdi.

Taǵy bir kezdesýde Astananyń «SD Family» almatylyq «Qaırat-2» komandasynan 3:0 esebimen jeńse, almatylyq «Han táńiri» «Aqtóbe-2» klýbynan 2:0 esebimen basym tústi.

Atalǵan týrdyń alǵashqy oıyn kúni, 9 sáýirde «Túrkistan» óz alańynda qaraǵandylyq «Shahterge» 1:2 esebimen ese jiberse, pavlodarlyq «Ertis» «Ekibastuzdy» 4:0, aqtaýlyq «Kaspıı» Almatynyń AKAS klýbyn 3:1 esebimen jeńdi.

Birinshi týrdan keıin «Ertis», «SD Family», «Kaspıı», «Altaı», «Han táńiri», «Shahter», «Jetisaı» úsh upaımen alǵashqy oryndarda keledi.

Endi ekinshi týr oıyndary 17 jáne 18 sáýir kúnderine belgilengen.