Fýtboldan birinshi lıgada «Elimaı» «Qaırat-Jastarmen» teń tústi

Fýtboldan birinshi lıgada 27-týr oıyndary aıaqtaldy, dep habarlaıdy Kazinform. 

Kósh basynda turǵan semeılik «Elimaı» syrt alańda «Qaırat-Jastar» komandasymen kezdesti.

Alǵashqy kezeńde semeılik fýtbolshylar alań ıeleri qaqpasyna eki gol soǵyp úlgerdi. Oǵan almatylyq klýb eki golmen jaýap berdi. Kezdesý 2:2 esebimen teń aıaqtaldy.

Taǵy bir oıynda «Ońtústik akademııasy» óz alańynda «Han táńiri» klýbyna 1:4 esebimen jol berdi.

Sondaı-aq 24 qazanda «Astana-2» «Túrkistannan» 2:5, «Jas Qyran» «Turan» 1:2 esebimen jeńilse, «Aqjaıyq» «Aqtóbe-2» komandasyn 3:1 esebimen tize búktirdi.

Al «Arys» pen «Ekibastuz», «Jeńis» pen «Qyran» 1:1 esebimen teń tústi.

Endi 25 qazanda «Ońtústik akademııasy» men «Han táńiri», «Qaırat-Jastar» men «Elimaı» komandalary kezdesedi.