Fýtboldan birinshi lıgada búgin «Ertis» pen «Shahter» kezdesedi

ASTANA. KAZINFORM — Búgin fýtboldan Birinshi lıgada XVІ týr oıyndary bastalady.

Bul týrdaǵy basty kezdesý «Ertis» pen «Shahter» arasynda ótedi dep josparlanyp otyr. Eki komanda da bıyl alǵashqy oryndardy ózara bólisip keledi.

Atalǵan týr oıyndary 31 shilde-1 tamyz kúnderine belgilengen.

Búgin, 31 shildede «Aqtóbe-2», men «Altaı» (Óskemen), «Ekibastuz» (Pavlodar oblysy) ben «Qaırat-2» (Almaty), «Han táńiri» (Almaty) men AKAS (Almaty) oınaıdy.

Al 1 tamyzda «Túrkistan» men «Akademııa Ońtústik» (Shymkent), «Ertis» (Pavlodar) pen «Shahter» (Qaraǵandy), «Kaspıı» (Aqtaý) men «Taraz», «SD Family» (Astana) men «Jetisaı» (Túrkistan oblysy) oınaıdy.

Týrnır kestesinde alǵashqy eki orynǵa ıe bolǵan komandalar aldaǵy jyly Premer-lıgaǵa qatysýǵa tikeleı joldamaǵa qol jetkizedi.

Bıyl «Kaspıı», «Ertis», «Shahter» komandalary úzdikter qatarynda bolady dep boljanyp otyr.

Eske salsaq, budan buryn Qazaqstan fýtbol federatsııasy men Ózbekstan fýtbol qaýymdastyǵy 21 jasqa deıingi jastar quramalary arasynda eki joldastyq oıyn ótkizý týraly kelisimge keldi.