Fýtboldan Birinshi lıga oıyndary qashan bastalady

ASTANA. KAZINFORM – Bıyl fýtboldan Birinshi lıga komandalary arasyndaǵy Qazaqstan chempıonaty qashan bastalatyny belgili boldy.

Dop dodasy 2 sáýirde bastalyp, 22 qazanda máresine jetedi. Onda barlyǵy 14 komanda baq synaıdy. Olardyń qatarynda «Taraz», «Turan» (Túrkistan), «Shahter» (Qaraǵandy), «Jaıyq» (Oral), «Arys» (Túrkistan oblysy), «Ekibastuz» (Pavlodar oblysy), «Han táńiri» (Almaty), «Akademııa Ońtústik» (Shymkent), «Qaırat-J» (Almaty), «Aqtóbe-J», «Elimaı-J» (Semeı), «Tobyl-J» (Qostanaı), «Kaspıı-J» (Aqtaý), «Astana-J».

Oıyn kúntizbesi

1-týr

2 sáýir

15:00. «Arys» - «Jaıyq»

15:00. «Han táńiri» - «Kaspıı-J»

18:00. «Turan» - «Akademııa Ońtústik»

3 sáýir

15:00. «Qaırat-J» - «Shahter»

15:00. «Taraz» - «Ekibastuz»

16:00. «Tobyl-J» - «Elimaı-J» 

17:00. «Astana-J» - «Aqtóbe-J» 

Maýsym qorytyndysymen eki úzdik komanda Premer-lıgaǵa joldama alady. 

Ótken jyly Birinshi lıgada alǵashqy úsh orynǵa ıe bolǵan «Kaspıı» (Aqtaý), «Ertis» (Pavlodar), «Altaı» (Óskemen) komandalary Premer-lıgaǵa tikeleı joldama aldy. Al Premer-lıgada sońǵy oryndy mise tutqan «Turan» bıyl birinshi lıgada synǵa túsip qaldy.

Buǵan deıin fýtboldan Qazaqstan quramasy Armenııamen joldastyq kezdesý ótkizetinin habarlaǵanbyz.