Fýtboldan áıelder lıgasynda BIІK «Tomırıs-Turanmen» teń tústi

ASTANA. KAZINFORM — Búgin fýtboldan áıelder arasyndaǵy Qazaqstan chempıonatynyń HHІV týrynyń oıyndary ótti.

Bul týrda jankúıerler tarapynan «Tomırıs-Turan» (Túrkistan) men BIІK (Shymkent) kezdesýine erekshe qyzyǵýshylyq bolǵany ras. Kóp jyldan beri el birinshiliginde top jaryp júrgen shymkenttik klýb bıyl sol jetistigin qaıtalaýǵa kúsh salyp otyr. Degenmen búgingi kezdesýde olar jeńiske jetýi tıis edi. Kezdesý 1:1 esebimen teń aıaqtaldy. Saldarynan basty qarsylasy - «Aqtóbeden» úsh qpaıǵa qalyp qoıdy. Aqtóbelik klýb búgin syrt alańda petropavldyq «Qyzyljardy» 3:0 esebimen tize búktirdi.

Osylaısha «Aqtóbe» 68 upaımen kósh basynda tursa, BIІK 65 upaımen ekinshi, «Tomırıs-Turan» 57 upaımen úshinshi orynǵa taban tiredi.

Oıyn nátıjesi:

«Oqjetpes» (Kókshetaý) — «Qaısar» (Qyzylorda) 0:6

«Jetisý» (Taldyqorǵan) — «Tobyl» (Qostanaı) 1:1

«Qyzyljar» (Petropavl) — «Aqtóbe» 0:3

«Atyraý» — «Ulytaý» (Jezqazǵan) 0:5

«Qaırat» (Almaty) — «Astana» 2:0

«Tomırıs-Turan» (Túrkistan) — BIІK (Shymkent) 1:1.

Al «Jeńis» (Astana) — «Elimaı» (Semeı) kezdesýi keıinge shegerildi.

Federatsııa talabymen erler klýbtarynyń janynan bıyl áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.

Ár komanda sapynda keminde qazaqstandyq fýtbol sporty mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.