Fýtboldan áıelder lıgasynda «Aqtóbe» qatarynan on úshinshi ret jeńiske jetti

ASTANA. KAZINFORM - Búgin fýtboldan elimizdiń áıelder lıgasynda HIV týrynyń keıinge qaldyrylǵan oıyny ótti.

Bul joly qyzylordalyq «Qaısar» óz alańynda «Aqtóbe» komandasyn qabyldady.

Aqtóbelik komanda on úsh týr boıy jeńilistiń aşy dámin tatqan joq. Ótken týrda kósh basynda kele jatqan Shymkenttiń BIІK komandasyn súrindirdi. Olar bul kezdesýde de jigerli oıyn kórsetti.

Aqtóbelik fýtbolshylar alań ıeleri qaqpasyna jaýapsyz 9 gol saldy. Osylaısha qarsylasynan 9:0 esebimen basym tústi.

Endi aldaǵy týr oıyndary 11 tamyz kúni ótedi.

Federatsııa talabymen erler klýbtarynyń janynan bıyl áıelder quramalary qurylǵan.

Ótken jyly chempıonatqa tek 4 óńirden 5 komanda ǵana tirkelgen edi.

Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.

Eske salsaq, budan buryn fýtboldan Birinshi lıgada «Altaı» «Kaspııdi» iri eseppen jeńdi.