Fýtboldan áıelder arasyndaǵy Qazaqstan chempıonatynyń ekinshi týry ótedi

ASTANA. KAZINFORM — Fýtboldan áıelder arasyndaǵy Qazaqstan chempıonatynyń ekinshi týry bastalady.

Bıyl el birinshiligine 14 komanda qatysady. Federatsııa talabymen erler klýbtarynyń janynan áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.

Alǵashqy týrdan keıin shymkenttik BIIK kósh bastap keledi. Odan keıingi oryndardaǵy «Atyraý», «Aqtóbe», «Tobyl», «Qaırat», «Qaısar» keledi.

Ekinshi týrdyń oıyn kestesi:

«Qyzyljar» (Petropavl) — «Ulytaý» (Jezqazǵan)
«Qaırat» (Almaty) — «Elimaı» (Semeı)
«Jeńis» (Astana) — «Jetisý» (Taldyqorǵan)
«Atyraý» — «Tobyl» (Qostanaı)
«Turan-Tomırıs» (Túrkistan) — «Oqjetpes» (Qyzylorda)
«Aqtóbe» — «Qaısar» (Qyzylorda)
«Astana» — BIIK (Shymkent)

Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.