Fýtboldan áıelder arasyndaǵy Qazaqstan chempıonatynda BIІK iri eseppen jeńdi

ASTANA. KAZINFORM - Búgin fýtboldan áıelder arasyndaǵy Qazaqstan chempıonatynyń segizinshi týrynyń alǵashqy oıyn kúni ótti.

Kósh basynda kele jatqan shymkenttik BIІK bul joly da súringen joq. Shymkenttik fýtbolshylar óz alańynda taldyqorǵandyq «Jetisý» komandasyn qabyldady.

Kezdesý barysynda olar oıyn tizginin tolyq ózine qolǵa aldy. Nátıjesinde qarsylasyn 12:0 esebimen tize búktirdi.

Sondaı-aq taǵy bir kezdesýde «Aqtóbe» túrkistandyq «Tomırıs-Turannan» 5:0 esebimen basym tústi.

Segizinshi týrdyń oıyn nátıjesi:

«Astana» - «Qaısar» (Qyzylorda) 2:2

«Elimaı» (Semeı) - «Oqjetpes» (Kókshetaý) 8:0

«Ulytaý» (Jezqazǵan) - «Tobyl» (Qostanaı) 2:2

«Qaırat» (Almaty) - «Atyraý» 5:1

BIІK (Shymkent) - «Jetisý» (Taldyqorǵan) 12:0

«Aqtóbe» - «Tomırıs-Turan» (Túrkistan) 5:0

Al «Qyzyljar» (Petropavl) - «Jeńis» (Astana) kezdesýi 10 maýsym kúni ótetin boldy.

Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.