Fýtboldan áıelder arasyndaǵy Qazaqstan chempıonaty: «Aqtóbe» bes týrda 36 gol soqty
ASTANA. KAZINFORM - Fýtboldan áıelder arasyndaǵy Qazaqstan chempıonatynyń besinshi týry máresine jetti.
Bıylǵy birinshilikti «Aqtóbe» komandasy óte sátti ótkizip keledi. Bes týrda tórt márte jeńiske jetip, nebári bir kezdesýde teń nátıjege qanaǵat bildirdi. Qarsylastar qaqpasyna 36 gol soǵyp, óz qaqpasyna nebári 2 gol jiberip aldy.
Besinshi týrda olar syrt alańda jezqazǵandyq «Ulytaýdy» 9:0 esebimen tize búktirdi.
Sondaı-aq kósh basynda kele jatqan shymkenttik BIIK komandasy da dál sondaı eseppen semeılik «Elimaıdy» jeńdi. Al túrkistandyq «Turan-Tomırıs» syrt alańda qyzylordalyq
«Qaısardan» 1:0 esebimen basym tústi.
Ekinshi týrdyń oıyn kestesi:
- «Ulytaý» (Jezqazǵan) - «Aqtóbe» 0:9
- «Tobyl» (Qostanaı) - «Qyzyljar» (Petropavl) 0:4
- «Oqjetpes» (Kókshetaý) - «Astana» 0:2
- «Jeńis» (Astana) - «Atyraý» 4:0
- «Jetisý» (Taldyqorǵan) - «Qaırat» (Almaty) 1:4
- BIIK (Shymkent) - «Elimaı» (Semeı) 9:0
- «Qaısar» (Qyzylorda) - «Tomırıs-Turan» (Túrkistan) 0:1.
Endi aldaǵy týr oıyndary 19 mamyr kúni ótkiziledi.
Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.