Fýtboldan áıelder arasyndaǵy el chempıonaty: BIІK komandasy «Astanany» iri eseppen jeńdi

ASTANA. KAZINFORM - Búgin fýtboldan áıelder arasyndaǵy Qazaqstan chempıonatynyń XIV týry máresine jetti. 

Atalǵan týrda kósh basynda kele jatqan komandalardyń barlyǵy jeńiske jetti. Shymkenttik BIІK óz alańynda «Astanany» 7:0 esebimen jeńse, «Tomırıs-Turan» syrt alańda Kókshetaýdyń «Oqjetpesin» 10:0 esebimen tize búktirdi.

6 oıynnyń qorytyndysy tómendegideı:

«Oqjetpes» (Kókshetaý) - «Tomırıs-Turan» (Túrkistan) 0:10

«Elimaı» (Semeı) - «Qaırat» (Almaty) 5:1

«Ulytaý» (Jezqazǵan) - «Qyzyljar» (Petropavl) 1:0

«Jetisý» (Taldyqorǵan) - «Jeńis» (Astana) 1:5

BIІK (Shymkent) - «Astana» 7:0

«Tobyl» (Qostanaı) - «Atyraý» 6:1.

Bul týrdaǵy «Qaısar» (Qyzylorda) - «Aqtóbe» kezdesýi 7 tamyz kúni ótkiziledi.

Aıta keteıik, áıelder arasyndaǵy el birinshiliginde ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.

Buǵan deıin fýtboldan áıelder arasyndaǵy el chempıonatynyń HVI týry ótetinin jazǵan edik.