Fýtboldan álem chempıonaty-2022: Alǵash ret áıel tóreshiler qyzmet atqarady
Álem chempıonaty 20 qarasha jáne 18 jeltoqsan aralyǵynda Katar memleketinde ótkiziledi. Óz tarıhynda 22 márte jalaýyn kótergeli otyrǵan dúbirli dodada barlyǵy 36 tóreshi qyzmet etedi. Olardyń qatarynda Stefanı Fraapar (Frantsııa), Salıma Mýkasanga (Rýanda) jáne Ioshımı ıAmasıta (Japonııa) syndy áıel tóreshiler bar.
Stefanı Frappar 1993 jyly dúnıege kelgen. 2011 jyldan beri Frantsııanyń úshinshi lıgasy sanatyndaǵy ulttyq chempıonatta tóreshilik qyzmetin bastady. Al 2014 jyly ekinshi lıgada alǵashqy áıel tóreshi retinde alańǵa shyqty. 2015 jyly Kanadada ótken áıelder arasyndaǵy álem chempıonatynda tóreshiler qataryna qosyldy. Al 2016 jyly Rıo-de-Janeıro qalasynda ótken Jazǵy olımpıada oıyndarynda Kanada men Avstralııa, Ońtústik Afrıka men Brazılııa kezdesýinde óz mindetin atqardy. Sondaı-aq, ol 2019 jyly Frantsııada ótken áıelder arasyndaǵy AQSh pen Nıderlandy oıynynda tóreshi boldy.
2019 jyly ol Frantsııanyń birinshi lıgasynda qyzmet etti. 2020 jyldan beri ÝEFA Chempıondar lıgasynda tóreshilik ete bastady.
Afrıkanyń Rýanda elinde turatyn Salıma Mýkasanga 1988 jyly dúnıege kelgen. 2012 jyldan beri FIFA-nyń halyqaralyq deńgeıdegi tóreshisi qataryna qosyldy. 2019 jyly Frantsııada ótken áıelder arasyndaǵy álem chempıonatynda óz mindetin atqardy. Sondaı-aq, ol 2022 jyly Afrıka ulttary kýbogynda alǵashqy áıel tóreshi retinde tarıhqa endi.
Al Ioshımı ıAmasıta 1986 jyly dúnıege kelgen. Ol 2019 jyly Frantsııada ótken áıelder arasyndaǵy álem chempıonaty, 2020 jylǵy Jazǵy Olımpıada oıyndarynda qyzmet etti. Sondaı-aq, ol AFC Chempıondar lıgasynda tóreshi boldy.
Katardaǵy álem chempıonatynda 36 tóreshige alań jıeginde 69 laınsmen kómektesse, VAR júıesine 24 tóreshi jaýap beredi.
Eske salsaq, budan buryn FIFA Qatarda ótetin álem chempıonatyna qatysýshy komandalarǵa úndeý joldady.
