Fýtboldan ÁCh: Marokko taǵy da sensatsııa jasaı ala ma

ASTANA. QazAqparat - Qatarda ótip jatqan fýtboldan 2022 jylǵy álem chempıonatynda búgin 1/8 fınalynyń tórtinshi oıyn kúninde Marokko men Ispanııa quramalary kezdesedi, dep habarlaıdy QazAqparat tilshisi.

Kezdesý elorda ýaqytymen 21.00-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.

Oıyn Er-Raııan qalasyndaǵy 44667 jankúıerge arnalǵan «Edıýkeıshn Sıtı» stadıonynda ótkiziledi. Bas tóreshi - argentınalyq Fernando Rapalını. Oǵan otandastary Hýan Pablo Belattı men Dıego Bonfa kómektesedi. Qosalqy tóreshi - brazılııalyq Rafael Klaýs.

FIFA reıtınginde Anglııa - 22, Senegal 7-orynda tur.

Eki qurama óziniń tarıhynda úshinshi márte kezdesip otyr. Bireýinde teń nátıje tirkelse, ekeýinde ıspanııalyq fýtbolshylar basym tústi.

Toptyq kezeńde Anglııa F tobynda oıyn kórsetti. Belgııany 2:0, Kanadany 2:1 esebimen jeńip, Horvatııamen 0:0 esebimen teń tústi.

Al, Ispanııa E tobynda Kosta-Rıkany 7:0 esebimen jeńip, Germanııamen 1:1 esebimen teń tústi. Al Japonııaǵa 1:2 esebimen ese jiberdi.

Sondaı-aq 6 jeltoqsanda elorda ýaqytymen 1.00-de Portýgalııa men Shveıtsarııa kezdesýi «Qazaqstan» men «Qazsport» telearnalarynan kórsetiledi.

Eske salsaq, budan buryn shırek fınalǵa altynshy joldama Brazılııaǵa buıyrdy.

Sondaı-aq penaltı serııasynda Japonııany jeńgen Horvatııa shırek fınalǵa shyqty.

Foto: Reuters