Fýtboldan Eýro-2024: fınaldyq kezeńge 12-joldamany Danııa jeńip aldy

Fýtboldan 2024 jylǵy Eýropa chempıonatyna irikteý satysynyń jetinshi týrynda Qazaqstan quramasynyń N tobyndaǵy qarsylastary qalaı oınaǵany belgili boldy, dep habarlaıdy Kazinform.

Atalǵan toptaǵy Danııa men Slovenııa kezdesýi jankúıerler qyzyǵýshylyǵyn týǵyzdy. Eki quramanyń biri jeńiske jetken jaǵdaıda qurlyqtyq dodanyń fınaldyq satysyna bir týr buryn joldama alatyn edi.

Alǵashqy mınýttan danııalyq fýtbolshylar alǵa qaraı umtyldy. Soǵan qaramastan slovenııalyq quramanyń qorǵanysy syr bere qoıǵan joq.

Oıynnyń 26-mınýtynda danııalyq Ioahım Mehle esep ashsa, Erık ıAnja 30-mınýtta tarazy basyn teńestirdi.

Ekinshi kezeń bastalǵannan keıin alań ıeleri qaıtadan shabyldy kúsheıtti. Nátıjesinde 54-mınýtta Tomas Dıleını Danııany alǵa shyǵardy.

Osylaısha danııalyq fýtbolshylar qarsylasynan 2:1 esebimen basym túsip, bir týr buryn Eýropa chempıonatynyń fınaldyq satysyna joldama aldy. Atalǵan toptaǵy ekinshi joldama taǵdyry 20 qarashada Slovenııa men Qazaqstan kezdesýinde sheshiledi. Sol kúni atalǵan topta Soltústik Irlandııa men Danııa, San-Marıno men Fınlıandııa quramalary kezdesedi.

Eske salsaq, budan buryn Qazaqstan quramasy San-Marınony 3:1 esebimen tize búktirdi.

17 qarashadaǵy oıyn nátıjeleri tómendegishe:

S toby: Anglııa - Malta 2:0, Italııa - Soltústik Makedonııa 5:2

E toby: Moldova - Armenııa 1:1, Polsha - Chehııa 1:1

H toby: Qazaqstan - San-Marıno 3:1, Fınlıandııa - Soltústik Irlandııa 4:0, Danııa - Slovenııa 2:1

Qazirge deıin Frantsııa, Portýgalııa, Belgııa, Ispanııa, Shotlandııa, Túrkııa, Anglııa, Aýstrııa, Vengrııa men Slovakııa qurlyqtyq dodanyń fınaldyq satysyna joldama alǵan edi. Al Germanııa uıymdastyrýshy el retinde irikteýsiz qatysady.

Endi 18 qarashada B, D, I toptarynda kezekti týr oıyndary ótkiziledi.