Fýtbol: «Jetisý» klýbynyń bas bapkeri taǵaıyndaldy

NUR-SULTAN. QazAqparat – Qazaqstandyq maman Rınat Alıýetov taldyqorǵandyq «Jetisý» klýbynyń bas bapkeri bolyp taǵaıyndaldy, dep habarlaıdy QazAqparat tilshisi.

KazFootball.kz saıtynan alynǵan málimetke qaraǵanda, 31 jastaǵy R.Alıýetovpen bir jyl merzimge kelisimshartqa búgin qol qoıylǵan.

Jattyqtyrýshylyq quramǵa Rýstam Ýsmanov pen Denıs Mamonov kirdi. Qaqpashylar bapkeriniń orny ázirge bos.

Shyǵys Qazaqstan oblysynyń túlegi R.Alıýetov budan buryn Óskemende «Altaı» fýtbol ortalyǵynda, sosyn RKS-ALASH-ta jumys istegen.

2020 jyldyń maýsymynda «Jetisý B» komandasynyń bas bapkeri bolyp taǵaıyndaldy. Ótken jyly birinshi lıgada

komandasymen óz tobynda ekinshi orynǵa ıe boldy.

Premer-lıgada óner kórsetetin «Jetisý» ótken jyly altynshy orynnan kóringen edi.

Eske sala keteıik, budan buryn «Aqjaıyq» komandasyna bas bapker taǵaıyndalǵanyn jazǵan bolatynbyz.