Fýtbol: Vladımır Nıkıtenko «Elimaı» komandasynyń bas bapkeri qyzmetine taǵaıyndaldy

ASTANA. QazAqparat - Semeılik «Elimaı» komandasynyń bas bapkeri qyzmetine Vladımır Nıkıtenko taǵaıyndaldy, dep habarlaıdy QazAqparat tilshisi.

Qazaqstandyq maman fýtbolshylyq mansabynda Túrkimenstannyń «Stroıtel», qazaqstandyq «Qaırat» (Almaty), «Traktor» (Pavlodar), «Hımık» (Jambyl), «Dostyq» (Almaty) klýbtarynda dop tepti.

1991 jyldan beri qazaqstandyq «Qaırat», «Elimaı», «Qaısar» jáne ózge klýbtarda eńbek etti.

«Elimaı» 2015-2022 jyldar aralyǵynda úlken fýtboldan shet qaldy. Bıylǵy jyldan bastap birinshi lıgada baq synap keledi. Qazirge deıin 10 týrda 28 upaı jınap, týrnır kestesinde birinshi orynda tur.

Eske salsaq, budan buryn fýtboldan birinshi lıgada «Elimaı» toǵyzynshy oıyn qatarynan jeńiske jetti.