Fýtbol: Ońtústik Koreıa-Brazılııa quramalary 26-márte kezdesedi

ASTANA. QazAqparat – Qatarda ótip jatqan fýtboldan 2022 jylǵy álem chempıonatynda búgin 1/8 fınalynyń úshinshi oıyn kúninde Brazılııa men Ońtústik Koreıa quramalary kezdesedi, dep habarlaıdy QazAqparat tilshisi.

Kezdesý elorda ýaqytymen 6 jeltoqsanǵa qaraǵan túni saǵat 1.00-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.

Oıyn el astanasy - Doha qalasyndaǵy «Stedıým 974» stadıonynda ótkiziledi.

Bas tóreshi - frantsııalyq Kleman Tıýrpen. Oǵan otandastary Nıkolıa Dano men Sırıl Grengor kómekshilik jasaıdy. Qosalqy tóreshi slovenııalyq Slavko Vınchıch.

FIFA reıtınginde Ońtústik Koreıa - 28, Brazılııa 1-orynda tur.

Eki qurama óziniń tarıhynda 25 márte kezdesti. Ekeýinde Ońtústik Koreeıa jeńiske jetse, segizinde teń nátıjesinde tirkelip, qalǵanynda brazılııalyqtar basym boldy.

Toptyq kezeńde Brazılııa G tobynda oıyn kórsetti. Cerbııany 2:0, Shveıtsarııany 1:0 esebimen jeńip, Kamerýnǵa 0:1 esebimen jol berdi.

Al, H tobynda synǵa túsken Ońtústik Koreıa quramasy Ýrýgvaımen 0:0 esebimen teń túsip, Ganaǵa 2:3 esebimen jeńilse, Portýgalııadan 2:1 esebimen basym tústi.

Sondaı-aq 5 jeltoqsanda elorda ýaqytymen 21.00-de Japonııa men Horvatııa kezdesýi «Qazaqstan» men «Qazsport» telearnalarynan kórsetiledi.

Eske salsaq, qazirge deıin shırek fınada Argentına men Nıderland, Anglııa men Frantsııa quramalary kezdesedi.

Foto: fifa.com