Frıstaıl-mogýldan álem kýbogy kezeńinde el namysyn kimder qorǵaıdy

ASTANA. KAZINFORM – Almatydaǵy «Shymbulaq» taý-shańǵy kesheninde 8-10 naýryz aralyǵynda frıstaıl-mogýldan ótetin álem kýbogy kezeńi ótedi.

QR Ulttyq olımpıadalyq komıteti málim etkendeı, atalǵan básekege Qazaqstan komandasynyń kóshbashylary túgel qatysady. Sondaı-aq, jas sportshylar da óz baǵyn synap kórmek.

Áıelder arasynda el namysyn ıÝlııa Galysheva, Anastasııa Gorodko, Aıaýlym Ámirenova, ıÝlııa Feklıstova, Anastasııa Larıonova bastaǵan sportshylarymyz qorǵasa, erler arasynda Pavel Kolmakov, Anton Bondarev, Maksım Emelıanov, Fedor Býgakov, Denıs Rastrýba, Semen Rýsakov bastaǵan tájirıbeli sportshylarymyz synǵa túsedi.

Bas bapkeri Elena Krýglyhına elimizde ótetin álemdik jarysqa komanda tolyǵymen daıyn ekenin málimdedi. Sondaı-aq, jaraqat alǵan komanda kóshbasshylary birtindep babyna enýde. 

«Óz jerimizdegi álem kýbogy kezeńine jaqsy daıyndyq júrgizdik. Keıbir sportshylarymyz áli de jaraqatynan soń qalpyna kelip jatyr. Basty maqsatymyz – jankúıerlerdi jeńispen qýantyp, shoý kórsetý. Sebebi, sport degenimiz – tunǵan emotsııa. El namysyn abyroımen qorǵasaq degen oıdamyz», - deıdi bas bapker. 

Aıta ketelik, mogýlshylar dodasy 8-9 naýryzda ótse, shańǵy akrobatıkasynyń ókilderi 10 naýryzda jarys jolyna shyǵady.