20:55, 20 Naýryz 2025 | GMT +5
Frıstaıl-akrobatıkadan álem chempıonatyna qatysatyn qazaqstandyqtar belgili boldy
ASTANA. KAZINFORM — Qazaqstan quramasynyń bapkerler shtaby frıstaıl-akrobatıkadan Engadınde (Shveıtsarııa) ótetin álem chempıonatynda el namysyn qorǵaıtyn sportshylardyń tizimin jarııalady. Bul týraly UOK habarlady.
El quramasynyń bes ókili álemdik birinshilikte óner kórsetýge múmkindik alyp otyr. Engadınde ótetin jarysta Sherzod Hashırbaev, Ýlanbakır Ýmýrzakov, Dinmuhammed Raıymqulov, Asan Asylhan jáne Aıana Joldas baq synaıdy.
Aıta keteıik, frıstaıl-akrobatıkadan Shveıtsarııada ótetin álem chempıonaty 27 naýryzda bastalady.
Buǵan deıin Qazaqstan skı-alpınızmnen Azııa kýbogy kezeńinde tórt altyn medal jeńip alǵanyn jazǵan edik.