Frılanstan jumys izdegen qazaqstandyqtardyń sany 2,5 ese artqan
hh.kz resýrsynyń málimeti boıynsha, keıingi bir jylda frılanstan jumys izdegen qazaqstandyqtardyń sany 2,5 ese artqan. https://hh.kz/
«Keıingi bir jylda hh.kz saıty arqyly frılanstan jumys izdeýshiler sany eselep artyp, 142% ósti. Bul qazaqstandyqtar arasynda «erkin jumysqa» degen suranystyń artqanyn aıqyn kórsetedi», – dep topshylaıdy resýrs sarapshylary.
Frılanstan jumys izdeýshilerdiń arasynda shyǵarmashylyqpen tikeleı baılanysy bar mamandyq ıeleri jıi kezdesetin kórinedi. Ásirese sýretshiler men dızaınerler belsendi.
Odan keıingi orynda ІT-mamandar. «Erkin jumys» izdeýshiler arasynda shet tilinen aýdarma jasaıtyndar da kóp.
hh.kz málimeti boıynsha, jumys berýshiler mundaı rejımmen jumys isteıtin adamdarǵa biliktilik deńgeıine qaraı 200 myń teńgeden 1,5 mln teńgege deıin aılyq usynǵan.
«Budan mynandaı qorytyndy shyǵarýǵa bolady – frılasta eńbek etýshilerdiń aılyǵy keńsede otyryp jumys isteýshilerdiń aılyǵynan esh kem emes», - deıdi hh.kz sarapshylary.
