Frantsııada aptap ystyqtan eki adam qaza tapty

ASTANA. KAZINFORM –Frantsııada Eýropalyq bóliktiń kóp bóligin qamtyǵan aptap ystyqtan eki adam kóz jumdy. Bul týraly Frantsııanyń Ekologııalyq aýysý mınıstri Anes Pane-Rıýnashe Parıjde ótken baspasóz máslıhatynda málimdedi, dep habarlaıdy TASS.

– Ystyqtan densaýlyǵy nasharlap, sonyń saldaryna tikeleı baılanysty eki ólim jaǵdaıy tirkeldi, – dedi mınıstr.

Onyń aıtýynsha, taǵy 300-den astam adamǵa qutqarýshylardyń shuǵyl kómegi qajet bolǵan.

Mınıstrdiń málimdeýinshe, bıylǵy maýsym aıy Frantsııada meteobaqylaý tarıhyndaǵy eń ystyq aılardyń biri boldy – tek 2003 jyly ortasha temperatýra budan joǵary bolǵan. Aldaǵy kúnderi eldiń soltústigi men soltústik-batysynda aýa temperatýrasy birtindep tómendeıdi dep boljanyp otyr.

30 maýsym kúni Frantsııanyń Ulttyq meteorologııalyq qyzmeti – Meteo France eldiń Eýropalyq bóligindegi 16 departamentte, sonyń ishinde Parıjde de 1 shildede aýa raıynyń eń joǵary qaýiptilik deńgeıin jarııalady. Aldyn ala málimet boıynsha, keıbir eldi mekenderde aýa temperatýrasy 41 gradýsqa deıin jetken, al Parıjde eń joǵary kórsetkish – 39 gradýs.

Aıta keteıik, Frantsııada anomaldy ystyqqa baılanysty 1350-ge jýyq mektep ýaqytsha jabyldy.