Frantsııanyń AREVA kompanııasy men Qazatomónerkásip strategııalyq kelisimge qol qoıdy
Qujatty «Qazatomónerkásip» UAK» AQ Basqarma tóraǵasy Asqar Jumaǵalıev pen «AREVA» Bas atqarýshy dırektory Fılıpp Knoro qol qoıyp bekitti.
Qazaqstannyń múddelerine saı keletin atalmysh kelisim «KATKO» BK» JShS (AREVA (51%) men Qazatomónerkásiptiń (49%) birlesken kásiporny) qyzmetiniń tıimdiligin jáne odan ári damytý úshin Frantsııaǵa da jańa múmkindikter ashady, bul óz kezeginde kompanııalardyń aktsıonerlerine qosymsha tabystar ákelmek.
«Qazaqstan men Frantsııa arasyndaǵy uzaq merzimdi atom yntymaqtastyǵy aıasynda bul kelisim eki seriktestiń de ekonomıkalyq múddeleri jolyndaǵy bizdiń Qazatomónerkásippen jıyrma jyldyq seriktestigimizdi nyǵaıta túsedi. Kelisim Ońtústik Tórtqudyq ken ornyn damytý negizinde KATKO úshin uzaq merzimge arnalǵan jańa múmkindikter ashyp, sol arqyly óndiristik qyzmetin eki onjyldyqqa uzartady», - dep málimdedi Fılıpp Knoro.
«Senimdi seriktespen strategııalyq kelisimdi «Qazatomónerkásip» kompanııasynyń 20 jyldyǵy toılanatyn jylda qol qoıýdyń ózindik máni bar. ıAdrolyq otyn tsıklyndaǵy birlesken jobalardy sátti iske asyrý ózara tıimdi yntymaqtastyqtyń oń mysaly bola alady. Budan bólek, kelisim erejeleri Memleket basshysy N. Nazarbaev alǵa qoıǵan ýran óndirý naryǵyndaǵy kóshbasshylyqty saqtaý jáne álemdik básekege qabiletti atom kompanııasyn qurý jónindegi tapsyrmaǵa da saı keledi», - dedi Asqar Jumaǵalıev.
1996 jyly qurylǵan «KATKO» birlesken kásiporny Ońtústik Qazaqstan oblysynda ornalasqan «Moıynqum» ken ornynda jerasty uńǵymaly shaımalaý ádisimen ýran óndirýdi tabysty jalǵastyryp keledi. «KATKO» óziniń óndiristik qyzmetinde ýran óndirý boıynsha álemdik qos jetekshi kompanııa AREVA men Qazatomónerkásiptiń halyqaralyq tájirıbesi men bilimine súıenedi.
