Frantsııa ókili Qazaqstandaǵy dinı senim bostandyǵyn joǵary baǵalady

NUR-SULTAN. QazAqparat - Nur-Sultanda Frantsııamen dinı birlestikterdiń quqyqtaryn qamtamasyz etý salasyndaǵy tájirıbe almasý suraqtary talqylandy, dep habarlaıdy QazAqparat.

Búgin Aqparat jáne qoǵamdyq damý mınıstrliginde Din isteri komıtetiniń tóraǵasy Erjan Núkejanov Frantsııanyń Qazaqstandaǵy Tótenshe jáne Ókiletti Elshisi Dıde Kanespen kezdesti.

Kezdesý barysynda E.Núkejanov Qazaqstannyń konfessııaaralyq kelisimdi qamtamasyz etýdegi tájirıbesimen bólisti.

Sondaı-aq, adamdardyń ar-ojdan bostandyǵyna quqyqtaryn qamtamasyz etý jáne barlyq zańdy áreket etetin dinı birlestiktermen syndarly yntymaqtastyq ornatý boıynsha atqarylǵan jumyspen tanystyryp ótti.

Budan basqa, dinı senim bostandyǵy salasyndaǵy ekijaqty yntymaqtastyq, sondaı-aq dinı birlestikterdiń quqyqtaryn qorǵaý jáne qamtamasyz etý boıynsha tájirıbe almasý máseleleri talqylandy.

D.Kanes Qazaqstandaǵy dinı senim bostandyǵyn qamtamasyz etý salasyndaǵy oń dınamıkany joǵary baǵalady.

Kezdesý sońynda taraptar aldaǵy ýaqytta tyǵyz jáne ózara tıimdi qarym-qatynas ornatýǵa nıet bildirdi.