Fotograf Almaty taýlarynda ilbistiń ań aýlaǵan sátin túsirip aldy
ALMATY. KAZINFORM – Qazaqstandyq belgili fotograf Dmıtrıı Dotsenkonyń obektıvine Almaty mańyndaǵy taýly aımaqta ilbis (qar barysy) ilikti.
Fotograftyń sózinshe, ol sırek kezdesetin jyrtqyshty tek kórip qoımaı, jaqyn jerden sýretke de túsirip úlgergen.
– Búgin armanym oryndaldy – óz taýlarymyzda ilbisti kórdim! Bul – Almatynyń sımvoly ári taýdyń naǵyz ıesi. Ony tek kórip qoımaı, jaqynnan sýretke túsirý de buıyrdy. Іlbis maraldy ustap alyp, jartastan tómen laqtyryp, sol jerde asyqpaı qorektendi. Keıin jemtigin kúzetip turdy. Dál osy sátte biregeı kadrlar túsirýge múmkindik týdy, - dep jazdy ol.
Іlbis – Qazaqstannyń Qyzyl kitabyna engen sırek jyrtqysh. Ony jabaıy tabıǵatta kórý óte qıyn, sebebi ol bıik taýly óńirlerde tirshilik etedi ári óte saq janýar. Іlbis Qazaqstanda ulttyq parkter men qoryqtardy qosa alǵanda, erekshe qorǵalatyn toǵyz tabıǵı aýmaqta kezdesedi.
Eske salaıyq, buǵan deıin Sharyn shatqalynda Qyzyl kitaptaǵy sabanshy vıdeoǵa túsip qalǵanyn jazǵanbyz.