Fızıka salasyndaǵy Nobel syılyǵynyń laýreattary jarııalandy

NUR-SULTAN. AZERTADJ-QazAqparat – 5 qazanda Shvetsııanyń Koroldik ǵylym akademııasy janyndaǵy Nobel komıteti fızıka salasyndaǵy úsh ǵalymǵa «kúrdeli fızıkalyq júıelerdi túsinýge qosqan úlesi úshin» 2021 jylǵy Nobel syılyǵyn tabystaıtynyn jarııalady, dep habarlaıdy QazAqparat AZERTADJ-ǵa silteme jasap.

AZERTADJ-dyń málimetinshe, Stokgolmdegi arnaıy sharada fızıkadan Nobel syılyǵynyń bir bóligi amerıkalyq ǵalym Sıýkýro Manabe men Klaýs Hasselmange «jer klımatyn fızıkalyq modeldeý, ózgergishtikti sandyq baǵalaý jáne jahandyq jylynýdy senimdi boljaýǵa» qosqan úlesi úshin tabys etildi. Al, qalǵan bóligi ıtalııalyq ǵalym Djordjo Parızıge «atomnan planetarlyq masshtabqa deıingi fızıkalyq júıelerdegi tártipsizdik pen aýytqýlardyń ózara árekettesýin ashqany úshin» berildi.

Eske sala keteıik, 4 qazannan bastap 2021 jylǵy Nobel syılyǵynyń laýreattary jarııa etile bastady. Bıyl koronavırýs pandemııasyna baılanysty syılyq 10 jeltoqsan kúni 10 elde tabystalady. Marapattaý rásimi jylda Stokgolmde ótetin.

4 qazanda medıtsına boıynsha 2021 jylǵy Nobel syılyǵynyń laýreattary jarııalandy.