Fızıka boıynsha Nobel syılyǵyn úsh ǵalym aldy

STOKGOLЬM. QazAqparat – Shvetsııa Koroldiginiń ǵylym akademııasy 2022 jyl úshin fızıka boıynsha Nobel syılyǵyn frantsýz Alen Aspege, amerıkalyq Djon F.Klaýzerge jáne avstrııalyq fızık Anton Tsaılıngerge berý sheshimin qabyldady. Bul týraly QazAqparat Euronews-ke silteme jasap habarlaıdy.

«Bıyl Nobel syılyǵy «shatysqan fotondarmen eksperımentter, Bell teńsizdikterin buzý prıntsıpin belgileý jáne kvanttyq aqparat týraly ǵylymdy qurýdaǵy birinshilik» úshin berildi», - dep túsindirdi Nobel komıteti óz sheshimin.

Nobel syılyǵynyń aqshalaı marapaty - 10 mln shved kronasy (shamamen 900 myń AQSh dollary) 10 jeltoqsanda tabystalady. Aıta keteıik, aqshalaı marapat 1895 jyly qaıtys bolǵan shved ónertapqyshy Alfred Nobeldiń ósıetimen qurylǵan qordan beriledi.

Foto: globeecho.com