Fitch Ratings «Qazaqtelekomnyń» kredıttik reıtıngin rastady
Sarapshylar kompanııalar tobynyń turaqty naryqtyq pozıtsııalaryn, qıyndyqtarǵa qaramastan kórsetken úzdik nátıjelerin erekshe ataıdy.
Fitch Ratings sarapshylarynyń pikirinshe, «Qazaqtelekom» AQ-nyń damyǵan jelilik ınfraqurylymynyń múmkindikteri zor. Іri telekom-operatordyń nesıelik qabiletiniń joǵary baǵalanýyna kompanııanyń telekommýnıkatsııa naryǵynyń barlyq segmentterindegi kóshbasshylyq jaǵdaıy sebep bolǵan. 2021 jyly tirkelgen telefonııa abonentteri boıynsha kompanııanyń úlesi 93%, tirkelgen keń jolaqty ınternetke qoljetimdilik 71%, mobıldi jáne aqyly teledıdar segmentinde tıisinshe 59% jáne 37% qurady, ıaǵnı telekom operatordyń kirisi naryqtyń 60% - dan astam úlesine ıe degen sóz.
«Fitch Ratings esebi bedeldi halyqaralyq qurylymdardyń kompanııa ustanymdaryna berilgen ekinshi oń baǵa», - dep atap ótti «Qazaqtelekom» AQ Bas qarjy dırektory Lıýdmıla Atamuratova.
Qarashada «Qazaqtelekom» AQ bıylǵy 9 aıdaǵy qyzmetiniń oń nátıjelerin jarııalady.
Fitch Ratings sarapshylarynyń pikirinshe, kompanııa 2021 jyly da, 2022 jyldyń ótken kezeńderinde de tamasha nátıjeler kórsetti.
Toptyń shoǵyrlandyrylǵan kirisi 9,8% - ǵa ósti, al agenttiktiń ádistemesi boıynsha eseptelgen EBITDA kórsetkishi taldaýshylardyń esebine sáıkes 43% - dan joǵary deńgeıde bolady.
Qazaqtelekom ósimine kompanııa tobyna kiretin mobıldi operatorlar – «Ksell» AQ jáne «Mobaıl Telekom-Servıs» JShS eleýli úles qosady.
Aıta ketý kerek, Fitch Ratings «Qazaqtelekom» AQ-nyń myqty naryqtyq pozıtsııalary nıderlandtyq Royal KPN N. V. (KPN; BBB/Stable) jáne brıtandyq BT Group (BT; BBB/Stable) sııaqty eýropalyq operatorlarǵa, sondaı-aq Túrik operatory Turk telekomunikasyon A.S. (TT; B/Negative) kórsetkishterine uqsas ekenin atap ótti. Bul rette, Turk Telekomunikasyon A.S.-den aıyrmashylyǵy, «Qazaqtelekom» valıýtalyq táýekelge ushyramaıdy.
«Qazaqtelekom» AQ-nyń enshiles kompanııasy – «Ksell» AQ – nyń kredıttik reıtıngi, agenttiktiń pikirinshe, bas kompanııa – «Qazaqtelekom» AQ-men baılanysta bolǵandyqtan utyp tur, ıaǵnı Fitch Ratings sarapshylary áýelgi «VV+» deńgeıinde rastady, boljam «Turaqty».