Fitch Qazaqstannyń táýelsiz kredıttik reıtıngin rastady

ASTANA. QazAqparat - Fitch halyqaralyq reıtıng agenttigi Qazaqstannyń táýelsiz kredıttik reıtınginiń «BBB» deńgeıinde ekenin rastady, boljam – «Turaqty», dep habarlaıdy QazAqparat Úkimettiń resmı saıtyna silteme jasap.

Qazaqstannyń reıtıngin qoldaıtyn mańyzdy faktorlar syrtqy silkinisterge óziniń ornyqtylyǵyn dáleldegen turaqty fıskaldyq jáne syrtqy balanstary bolyp tabylady.

Agenttik esebinde aktıvterdiń edáýir qorlary bıýdjettik qarjylandyrýdyń ıkemdiligin jáne eldiń ekonomıkalyq turaqtylyǵyn qamtamasyz etetini atap kórsetilgen.

Sarapshylar qazirgi shottyń profıtsıti 3,4%-ǵa jaqsarǵannan keıin 2024 jylǵa deıin saqtalady dep otyr, bul – sońǵy 11 jyldaǵy eń joǵary kórsetkish. Olardyń pikirinshe, bul Qazaqstannyń syrtqy balansyn odan ári nyǵaıtýǵa yqpal etpek.

Jalpy Fitch Qazaqstan ekonomıkasy 2023 jyly 4,5%-ǵa deıin jáne 2024 jyly 4,8%-ǵa deıin ósedi dep boljap otyr.