Fitch Qazaqstannyń táýelsiz kredıttik reıtıngin rastady
ASTANA. KAZINFORM — Ulttyq ekonomıka mınıstrliginiń dereginshe, Fitch Ratings halyqaralyq reıtıng agenttigi táýelsiz kredıttik reıtıngin «BBB» deńgeıinde rastady, boljam – «Turaqty».
Qazaqstannyń reıtıngin qoldaıtyn negizgi faktorlardyń qatarynda – reıtıngi uqsas elder arasyndaǵy ortasha kórsetkishten edáýir asatyn jáne eldiń qarjylyq ıkemdiligin qamtamasyz etetin qýatty syrtqy býferler qalyp otyr.
Qazaqstan Respýblıkasy Ulttyq qorynyń valıýtalyq aktıvteri men resmı altyn-valıýta rezervteri JІÓ-niń 38% balamasyna jetti, buǵan ınvestıtsııalardyń 8,4% deńgeıindegi kiristiligi jáne altyn baǵasynyń ósýi yqpal etti.
Sarapshylar munaı salasyna táýeldilikti birtindep azaıtýǵa yqpal etetin kólik jáne jańartylatyn energııa syndy sektorlardy damytý boıynsha jasalyp jatqan qadamdardy aıtty.
Buǵan qosa, agenttik keń aýqymdy qaıtalama sanktsııalar salýdyń salystyrmaly túrde tómen táýekelderin atap ótti.
