«First Heartland Securities» AQ Tsesnabank aktsııalarynyń baqylaý paketin satyp aldy
«Ulttyq Bank pen QR Úkimeti bekitken «Tsesnabank» AQ-tyń qarjylyq ornyqtylyǵyn arttyrý jáne agrarlyq sektorǵa qoldaý kórsetý sharalaryna sáıkes, «Problemalyq kredıtter qory» AQ «Tsesnabank» AQ-tan 604 mlrd teńge somaǵa aýyl sharýashylyǵy kredıtteriniń portfelin satyp alǵan bolatyn. «Tsesnabank» AQ-tyń úlesine valıýtalyq kredıtter túrindegi júktemesi bar agroónerkásiptik saladaǵy kredıttik portfeldiń 65 paıyzy tıesili ekendigi belgili. Syrtqy naryqtardaǵy jyldam ózgeretin ahýaldyń qysymymen aýyl sharýashylyǵy óndirýshileriniń qarjylyq ornyqtylyǵy nasharlady. Óz kezeginde bul banktiń qarjylyq ornyqtylyǵyna áser etti», - delingen «Tsesnabank» AQ habarlamasynda.
Bankten habarlanǵandaı, júrgizilgen sharalar nátıjesinde banktiń kapıtalyna jańa ınvestor tartylyp, aýyl sharýashylyǵy ónimderin óndirýshilerge qosymsha qoldaý kórsetý jáne olardyń jyldam qalypqa kelýi úshin jaǵdaılar jasalǵan.
«Qol jetkizilgen ýaǵdalastyqtar sheginde «First Heartland Securities» AQ (budan ári - FHS) «Tsesnabank» AQ aktsııalarynyń baqylaý paketin satyp aldy. Ulttyq Bank pen Úkimet iske asyrǵan sharalar kesheni jáne «Tsesnabank» AQ-qa jańa ınvestor tartý amaly «Tsesnabank» AQ-ty qalypqa keltirýge múmkindik berdi. Bankte qazirgi ýaqytta Ulttyq Banktiń eń tómengi talaptarynan asatyn kapıtaldandyrý jáne ótimdilik kórsetkishteri, kredıtorlarǵa qarajattyń qaıtarylýyn qamtamasyz etetin, teńgemen uzaq merzimdi qorlandyra alatyn turaqty qor bar», - delingen habarlamada.
«Tsesnabank» AQ-ty qarjylaı qalypqa keltirý jospary qazirgi aktsıonerleriniń teńbe-teń qatysýymen ne jańa ınvestorlardy tarta otyryp memleket tarapynan qoldaý kórsetýdiń negizdiligi, provızııalardyń, kapıtaldyń jáne ótimdiliktiń táýekel-beıinine sáıkes keletin qajetti qoryn jasaý qaǵıdattarymen, tıimdi menedjmentti tarta otyryp, qarjy ınstıtýtynyń bıznes-modelin keıinnen ózgertý arqyly iske asyrylmaq.
««Tsesnabank» AQ óziniń salymshylary, kredıtorlary men ınvestorlary aldyndaǵy mindettemelerin oryndap jatqan, ornyqty qarjy ınstıtýty retinde jumys isteýin jalǵastyrady. «Tsesnabank» AQ-tyń odan ári damý strategııasyn FHS aktsıonerleri aıqyndaıtyn bolady», - delingen banktiń habarlamasynda.
