Fın kompanııalary Qazaqstandaǵy TKSh-ny jańǵyrtýǵa atsalyspaq

ASTANA. QazAqparat - Memleket basshysynyń Fınlıandııaǵa sapary barysynda «TKSh QazOrtalyǵy» AQ basshylyǵy «AINS Group» jáne «Onninen Oy» kompanııalarymen Yntymaqtastyq týraly memorandýmǵa qol qoıdy, dep habarlaıdy QazAqparat.

Taraptar Qazaqstan Respýblıkasynyń ınfraqurylymdyq turǵyn úı keshenin damytýǵa jáne jańǵyrtýǵa baǵyttalǵan birlesken jobalardy júzege asyrý jóninde ýaǵdalasty.

AINS Group - álemniń 60 elinde qurylysty basqarý salasynda «tolyq aıaqtalǵan» jobalardy iske asyratyn qurylys-ınjınırıngtik kompanııa. «TKSh QazOrtalyǵy» AQ-men yntymaqtastyq sheńberinde kompanııa BIM-tehnologııalar, matematıkalyq modeldeý, 3D-vızýalızatsııa jáne jasandy ıntellekt syndy ǵımarattardy jobalaý men salýdyń jańa tehnologııalar aýysymyn (transfer) júzege asyrady. Osyndaı sheshimderdi paıdalaný jobalaý úderisin sapaly jaqsartýǵa, tehnıkalyq sıpattamalardyń sáıkestigin, obektilerdiń qurylysynyń ózindik quny men merzimin dál esepteýdi qamtamasyz etedi.

«Joǵaryda atalǵan is-sharalardy júzege asyrý úshin «AINS Group» kompanııasy bizdiń enshiles uıymymyz «Úlgilik jáne tájirıbelikjobalaýdyń ǵylymı-zertteý ınstıtýty» JShS-niń (ÚTJǴZI) 10 paıyzyn ıemdenýge jáne BIM-tehnologııalaryn engizý úshin normatıvtik-quqyqtyq bazany damytýǵa belsendi qatysýǵa daıyn ekendigin bildirdi»,  - dep atap ótti «TKSh Qaz Ortalyǵy» AQ basqarma tóraǵasynyń birinshi orynbasary Ádilhan Ómirbaev.

Onnenen Oy - jylý jáne sý, elektr, káriz, jeldetý jáne telekommýnıkatsııa úshin ınjenerlik jabdyqty keshendi jetkizýdi qamtamasyz etetin eń iri fın kompanııasy. Kelissóz barysynda qos tarap ókilderi yntymaqtastyqtyń 4 strategııalyq baǵytyn anyqtap, ózderine basty mindetter qoıdy. Atap aıtqanda, QR qalalarynda aǵyn sýlardy tazartý jáne sý tazartý qondyrǵylaryn salý jáne jańǵyrtý boıynsha jobalardy iske asyrý mindetteri júzege asyrylady.

Qazaqstan Respýblıkasyndaǵy káriz jelisin tazartý qondyrǵylarynyń jumysyn retteıtin standarttardy ózgertý boıynsha usynystardy birlesip ázirleý týraly, sondaı-aq jabdyqtar óndirisin yqtımal oqshaýlaý týraly kelisimge qol jetkizildi.

Aıta ketý kerek, jańa tehnologııalardy engizý boıynsha sheteldik kompanııalardy tartýdy «TKSh QazOrtalyǵy»  Qazaqstan Respýblıkasy Investıtsııalar jáne damý mınıstrliginiń 2017-2021 jyldarǵa arnalǵan Strategııalyq josparyn iske asyrý sheńberinde salanyń energetıkalyq tıimdiligin arttyrý jáne sáýlet, qala qurylysy jáne qurylys salasyndaǵy ulttyq ınnovatsııalyq júıeni damytý salasynda júzege asyrady.