Fılıppındegi taıfýnnan 200-den astam adam qaza tapty

ASTANA. KAZINFORM — Fılıppınniń astan-kesteńin shyǵarǵan «Kalmaegı» taıfýnynan 2,9 mıllıon adam zardap shekti, dep habarlaıdy Anadoly.

Tótenshe jaǵdaılar qaýpin azaıtý jáne basqarý ulttyq keńesi (NDRRMC) taıfýnnyń saldarynan bolǵan apattar týraly málimdeme jasady.

— Elde «Tıno» dep atalatyn «Kalmaegı» taıfýnynan qaza tapqandar sany 204-ke jetti, delingen habarlamada.

Ulttyq keńes sonymen qatar 109 adamnyń iz-túzsiz joǵalyp ketkenin, taıfýnnan zardap shekkenderdiń sany 2,9 mıllıonǵa jetkenin atap ótti.

6 qarashada Fılıppın prezıdenti kishi Ferdınand Markos elde tótenshe jaǵdaı jarııalady.

Eske salaıyq, buǵan deıin Fılıppınde taıfýnynan qaza tapqandar sany artyp kele jatqanyn jazǵan bolatynbyz. 

Sondaı-aq Fılıppındi qıratqan qýatty taıfýn Vetnamǵa baǵyt alǵany týraly habarladyq.