Fılıppınde jol apatynan 11 adam qaza taýyp, 3 adam jaralandy
ASTANA. KAZINFORM — Qaıǵyly oqıǵa jergilikti ýaqyt boıynsha shamamen 09:00-de Kamalıg mýnıtsıpalıtetindegi jolda bolǵan, dep habarlaıdy Sınhýa eldiń Quqyq qorǵaý organdarynyń málimetine silteme jasap.
Fılıppınniń Manıladan ońtústik-shyǵysqa qaraı ornalasqan Albaı provıntsııasynda sársenbi kúni tańerteń 10 dóńgelekti júk kóligi jolaýshylar mıkrobýsymen soqtyǵysyp, saldarynan 11 adam qaza taýyp, taǵy 3 adam jaraqattandy, onyń ishinde aýyr jaraqat alǵandar boldy, dep habarlady jergilikti polıtsııa.
Oqıǵa beınesinen júk kóligi joǵary jyldamdyqpen kele jatyp, qarsy jolaqta júrgen mıkrobýspen soqtyǵysqany kórinedi. Mıkrobýsta 14 adam bolǵan.
Jaralanǵandar arasynda júk kóliginiń júrgizýshisi men onyń kómekshisi de bar.
Osydan buryn Fılıppınde «Fýng-Vong» sýpertaıfýny saldarynan mıllıonǵa jýyq adam evakýatsııalanǵany habarlandy.