Fılıppınde bir apta ishinde 8 myńnan astam jer silkinisi tirkeldi

ASTANA. KAZINFORM – Fılıppınniń batys jaǵalaýynda ótken aptada bolǵan 6,9 baldyq jer silkinisinen keıin 8 myńnan astam after silkinisi tirkeldi, dep habarlaıdy Kazinform Anadolu agenttigine silteme jasap.

Fılıppındegi výlkanologııa jáne seısmologııa ınstıtýtynyń málimeti boıynsha, Palompon aýdany men Sebý provıntsııasynyń jaǵalaýynda ár túrli kúshtegi aftershoktar jalǵasyp jatyr. Onyń kúshi 1-den 5,1-ge deıin ózgergen. 

Derekterge sáıkes, jer asty dúmpýleri jıiligi birte-birte azaıyp kele jatqanymen, taǵy birneshe apta nemese aılar boıy jalǵasýy múmkin. Turǵyndarǵa úılerine qaıtpas buryn bılik ókilderimen keńesý usynyldy. 

Esterińizge sala keteıik, 30 qyrkúıekte Fılıppınde joıqyn jer silkinisi boldy. Keıingi jarııalanǵan derekter boıynsha, 72 adam qaza taýyp, taǵy 47 221 adam jaraqat alǵan. 

«Tynyq muhıttyq órt saqınasy» dep atalatyn aımaqta ornalasqan Fılıppın jer silkinisi men janartaý atqylaýy jıi bolatyn álemdegi eń seısmıkalyq belsendi elderdiń biri sanalady.