Fılıppın Joǵarǵy soty Sara Dýtertege ımpıchment jarııalaýǵa tyıym saldy

ASTANA. KAZINFORM — Fılıppın Joǵarǵy soty juma kúni vıtse-prezıdent Sara Dýtertege qatysty ımpıchment protsedýrasyn ótkizýge tyıym salǵanyn málimdedi, dep habarlaıdy Sınhýa.

Joǵarǵy sottyń ókili Kamılla Tıngtiń aıtýynsha, sot Ókilder palatasynyń vıtse-prezıdentke qarsy ımpıchment bastaý týraly ótinishin bir jyl ishinde qaraýǵa bolmaıdy dep sheshken jáne ımpıchment protsesiniń barlyq kezeńinde quqyqtyq rásimder men ádilettilik qaǵıdalary saqtalýy tıis ekenin atap ótti.

Onyń aıtýynsha, Joǵarǵy sot ımpıchmentke qatysty baptardy quqyqtyq rásimderdiń buzylýyna baılanysty Konstıtýtsııaǵa qaıshy dep tanyǵan. Osy sebepti Senattyń bul iske qatysty quzyret alýyna jol berilmeıdi.

— Bul sheshim vıtse-prezıdent Sara Dýterteni oǵan taǵylǵan kez kelgen aıyptan bosatady degendi bildirmeıdi. Alaıda jańa ımpıchment týraly ótinish tek 2026 jyldyń 6 aqpanynan bastap ǵana berile alady, — dedi Kamılla Tıng.

Buǵan deıin habarlanǵandaı, Gaagadaǵy Halyqaralyq qylmystyq sot Fılıppınniń burynǵy prezıdenti Rodrıgo Dýterteni onyń bıligi kezinde júrgizilgen qatygez esirtkige qarsy reıdter úshin adamzatqa qarsy qylmys jasady degen aıyppen qamaýǵa aldy.