Farıza ótti dúnıeden, biraq onyń poezııasy halqymen birge jasaı beredi - akademık Qadyr Júsip
«Maǵan Farızamen pedagogıkalyq ınstıtýtta bir topta oqý baqyty buıyrypty. Biz ádebı úıirmege barýdy birge bastaǵan edik. Sol kezdiń ózinde ol bizden erek boldy. Árdaıym kitaphanadan shyqpaı, tynbaı bilim jınady. Boıyndaǵy aqyndyǵy tipti keremet edi», - dep eske alady ol.
Instıtýttan keıin jas Farıza mektepte ustazdyq etti. Kóp uzamaı onyń daryndylyǵyn «Kommýnısttik eńbek» oblystyq gazeti baıqap, ony tilshilik jumysqa shaqyrady. Biraz jyldar ótken soń ony respýblıkalyq basylymdardyń biri Gýrev oblysynyń menshikti tilshisi etip alady. Gazet betterinde Farızanyń óleńderi men ocherkteri jıi basyla bastaıdy.
«Biz onyń aqyndyq qasıetiniń kemeldenýin jiti baqylap otyrdyq. Onymen birge oqyǵanymyzdy, tanys bolǵanymyzdy maqtan tuttyq. Farıza úlken juldyzǵa aınaldy. Degenmen, bizdiń baılanysymyz úzilgen emes, kýrstastary úshin ol qarapaıym Farıza bolyp qala bildi jáne sońǵy kúnine deıin solaı bolyp keldi. Endi Farıza aramyzdan ketti, onymen tildese almaspyz. Alaıda ol bizdiń aramyzda máńgi qalady. Onyń óleńderi, shyǵarmashylyǵy bizben birge máńgi ómir súrmek», - dep túıdi sózin Q.Júsip.