«Eır Astana» birqatar baǵyttarda qosymsha reıster ushyrmaq

ASTANA. QazAqparat - «Eır Astana» qosymsha Astana-Dýbaı jáne Astana-Bangkok reısterin júzege asyrmaq.

«Suranystyń joǵary bolýyna baılanysty biz 30 jeltoqsanda qosymsha Astana-Dýbaı reısi jáne 3 qańtarda qosymsha Astana-Bangkok reısi oryndalatynyn habarlaımyz», delingen áýe kompanııasynyń Facebook jelisindegi paraqshasynda. Sondaı-aq kompanııa 17 jeltoqsannan bastap Astana-Bangkok baǵytyndaǵy reısti qaıta oryndaı bastamaq.