Evtýshenko Fıdel Kastro týraly roman jazbaq

ASTANA. QazAqparat - Orys aqyny Evgenıı Evtýshenko kýbalyq revolıýtsııa kóshbasshysy Fıdel Kastro týraly kitap jazýǵa nıetti ekenin málim etti.

 Onyń aıtýynsha, Kýbadaǵy revolıýtsııaǵa  qyzǵýshylyǵy 1960 jyldardan bastalǵan, dep habarlaıdy TASS.

 «Men poetıkalyq tilshi bolǵanda, eldiń jas kóshbasshysy maǵan qatty unaıtyn. Men saıasatkerler ózin qaǵazdan oqıtyn elden keldim. Bul jerde   úsh-tórt saǵat toqtaýsyz shabytpen sóıleıtin, sóılegen kezde shynaıy júrekke jetkize biletin adamdy kórdim», - dep atap ótti ol.

Evtýshenko qazirgi ýaqytta jazyp jatqan shyǵarmasyn aıaqtaǵannan keıin, ózi kýási bolǵan    1959 jylǵy Kýba revolıýtsııasynyń bastalýy jaıly romanyna kirisedi.

  Aıta ketsek, 1991 jyldan bastap aqyn Talsa qalasy (Oklahoma) ýnıversıtetimen kelisimshart jasasyp, AQSh-ta turaqty turyp keledi.

Fıdel Kastro 25 qarashada, 91-ge qaraǵan shaǵynda  ómirden ozdy.